عيد ميلاد سعيد

31-7-2007 كانت “اول كلمة” وايام كتير عدت و كلام كتير بعديها لحد انهردة 31-7-2009 نفس اليوم ونفس الشهر لاكن بعديها بسنتين

سنتين بحالهم اة دة عمر البلوج بتاعي سنتين ,كبر و بقي عندة سنتين ياااااااااااه شاف معايا ايام كتير من احباط و مزاكرة و تعب لفرح و زكريات سعيدة وتهييس و مناسبات

كنت بادئ البلوج دة عشاني بس مجرد مكان بكتب فية و بزعق و صوتي يوصل لكل مكان و مش مهم حد يسمع لاكن الموضوع كبر و لقيت ناس بقت تتابع و ترد حسيت فعلا بيه و هو بيكبر ادامي و المواضيع اللي فية بتكتر و بيتطور

انهردة منغير البوست دي بقي عندي 173 بوست و 853 كومنت يااااااه كل دة كلام انا سعيد بالايام اللي فاتت دي و كل الكلام دة و ان شاء الله اللي جاي احسن و اجمل

انا لما اشتريت الدومين hunikal.com في كتير من اصحابي كان اول حاجة قالوها بعد مبروك “ها هتنقل البلوج بتاعك امتة ؟” وانا ديما كانت بعد ساكت مش برد علي السؤال دة لان مش متوقع ان في يوم هاجي و اقول ان hunikal.wordpress.com دة اتقفل دة انا بقالي سنتين ببني فية دة ابني الصغير معقول اسيبة

ان شاء الله هستمر هنا برضو و Happy Birthday to my Blog

حالات تستدعي المساعدة 2

مثل الاسبوع اللي فات انهردة في برنامج صبايا علي قناة المحورعرض البرنامج مجموعة من الحالات التي تستدعي المساعدة المالية في اسرع وقت

و التبرع ايضا في المستشفيات فقط باسامي الحالات وهم

احمد علي السيد

يحتاج عملية زرع كبد تكلفتها اكتر من 300الف جنية

مستشفي وادي النيل – في حدائق القبة

مهاب عطية الصعيدي

طفل يحتاج عملية قلب مفتوح تكلفتها 35الف جنية

مستشفي دار الشفاء – في حلوان

دي حالات محتاجة المساعدة علي الاقل لو مش هتقدر تساعد انشر الكلام دة لعل ربنا يجعلك سبب في شفاء حد فيهم

حالات تستدعي المساعدة

انهردة 22-7-2009 في برنامج صبايا علي قناة المحورعرض البرنامج مجموعة من الحالات التي تستدعي المساعدة المالية في اسرع وقت

هقول الحالات الاول و بعدين ارجع اتكلم علي البرنامج

جميع الحالات في مستشفي “وادي النيل” – حدائق القبة للتبرع في المستشفة نفسها باسم الحالة المستشفة تحت اشراف المخابرات

الاسم : محمود سعد يوسف

الحالة : عندة مشاكل في الكلي و معرض لمشاكل في الكبد بالاضافة لاستسقاء و شوية حجات كتير تنية و بيقبض 500 جنية بيصرف علي نفسة و علاجة و 3 اطفال و اللي بيسعدة اخوة بس و الراجل دة بيقول “الحمد لله احسن من غيرنا كتير”

التكلفة : 327 الف جنية

الاسم : فرحة العسوي محمود

الحالة :محتاجة زرع قرانية طفلة في المدرسة شطرة بس معرضة لفقدان البصر الكلي وحاليا مش عرفة تشوف المدرسة كتبة اية علي السبورة

التكلفة :25 الف جنية

الاسم : احمد حسن احمد حسن

الحالة : محتاج زرع قوقعة عاشن يسمع و يتكلم طفل عندة 3.5 سنة حياتة كلها دالوئتي بالاشارة

التكلفة : 170 الف جنية

الاسم : ندي فتحي غوباشي طلبة

الحالة : زاي احمد محتاجة زرع قوقعة عشان تسمع و تتكلم والدها بيقبد 300 جنية و بيصرف كمان علي اختة و والدتة

التكلفة : 170 الف جنية

الاسم : ميار صبري طلبة عبد العزيز

الحالة : زايهم برضو طفلة 4 سنين و محتاجة زرع قوقعة عشان تقدر تتكلم و تسمع

التكلفة : 170 الف جنية

جميع الحالات في مستشفي “وادي النيل” – حدائق القبة للتبرع في المستشفة نفسها باسم الحالة المستشفة تحت اشراف المخابرات

البرنامج بيقدم حالات تستدعي المشاركة و التبرع و بيطرح قدايا للمشاركة احب احيي البرنامج و القائمين علية علي المجهود

البرنامج قدم مساعدات قبل كدة لحالات كتير و منهم حالة الشاب احمد اللي كان عندة ورم في ظهرة و كان قاتل و محتاج في يومين تقريبا يلم مبلغ اكبر من 600 الف دولار للسرف في الخارق للقيام بـ 16 عملية حقن تقريبا و كام عملية تانية و تاني يوم الساعة 10:30 كان في حساب الشاب مايقارب 6 مليون جنية و كل دة من التبرعات البسيطة بتاعت 10 و 5 جنية هي دي اللي انقزت حياتة بفضل الله سبحانة و تعالي كل دة كان بمساهمات الناس و هو الان في الخارج بيتعالج ولو سمعت صوت والدة او والدتة في التليفون هتعرف قيمة الـ 5 جنية اللي ممكن تتبرع بيها و ترد الحياة لعيلة كاملة

انا بعد ما شفت الحلقة  بتاعت انهردة و بالتحديد عشان المساعدات بتقدم في المستشفة نفسها حبيت اساهم لعل واحد بس يوصلو الكلمة دي و يسمع عن حالة و يحاول يساعدها و ان شاء الله اكون كتبت الاسماء كلها صح

لو مش هتقدر تساعد حاول تنشر الكلام دة لعل ربنا يجعلك سبب في شفاء رجل كبير يعول اسرة او طفل و ترجع الحياة لاهله

وبكرر جميع الحالات في مستشفي “وادي النيل” – حدائق القبة للتبرع في المستشفة نفسها باسم الحالة

To Do [family first]

بعد التجربة اللي انا سعيد بيها دي هكتب تاني انا ناوي اعمل اية الفترة اللي جاية دي

هي حاجة واحدة بس تحت شعار [family first]

هسيب الاسبوع دة لكل الحجات العائلية اللي انا كنت مئجلها او مقصر فيها بس سلام

اجازة في الاجازة

رجعت الحمد لله انهردة بعد حوالي 3 ايام في مرسي مطروح بعيد عن كل حاجة بعيد عن الروتين واهم حاجة بعيد عن مجال الـ IT تغير جو اخدت اجازة في الاجازة

و كان معايا مسعود و عبد الله و الاهلاوي و كان هناك محمد السيد و صحبنا اللي من مطروح

اضينا 3 ايام تحفة و الصور هتيجي ان شاء الله

والف الف مبروك لمحمد السيد علي فرح اختة كان يوم تحفة وجميل جدا

كان الواحد محتاج الكام يوم دول

تخيل العالم بدون تكنولوجيا

تخيل العالم بدون تكنولوجيا …بدون انترنت ,كمبيوتر او موبايل

ليس هذا فقط بل تخيل العالم بدون كهرباء !! اليست صدمة كبيرة … تخيل كل النتائج لاتوجد كهرباء اذا لا توجد اضائة لاتوجد الات لا توجد وسائل مواصلات , كل شيء يعتمد علي القوة اليدوية

اول شيء فكرت فيه في اول مرة سمعت فيها الموضوع دة “كارثة” ,في اضيق الاحوال لا يمكن ان اتخيل العالم بدون انترنت و اجهزة كمبيوتر .

لاكن بالفعل ماذا لو حدث ؟كيف ستكون الحياة ؟ كيف سيكون يومك ؟ ليس فقط بغياب الانترنت و الكمبيوتر فهناك الكثير من الناس لا تتعامل بها في الاساس لاكن تخيل غياب الكهرباء…

من بداية اليوم و متطلباتة الاساسية الاكل و الانتقال و العمل كمثال تخيل الوقت المطلوب تحضير وجبة من الاساس الاكل غير متواجد لعد وجود تلاجة لحفظة وماذا عن الاعداد و الطهي , الانتقال من مكان لاخر قد يكون الوقت للذهاب للعمل هو 5 دقائق بالسيارة من طريق البحر لاكن اعتقد انها لن تقل عن 30 دقيقة سيرا علي الاقل  و دة مثال عن الانتقال الداخلي البسيط جدا ماذا عن السفر , العمل نفسة هناك مجموعة من الاعمال ستنقرض و تصبح من التاريخ و تتحول الاعمال للاعتماد علي القوة اليدوية لغياب الالات .

ماذا ستفعل حينها ؟

كشف حساب 4

اخر اسبوع بالنسبة للحجات اللي حدت اني هعملها في شهر و دة الكشف النهائي

• tech
  • اخلص موضوع التدريب الصيفي Done 100%
  • PHP
    • ارفع اول بروجكت خلص فضلت ان اجرب المشاكل كلها الاول مع الموقع الشخصي بتاعي hunikal.com
    • اخلص بروجكت تاني في خلال شهر ابتداء من انهردة 13-6-2009 توقفت الفكرة دي و فضلت ان اكمل في مشاريع تانية افيد لان الفكرة مكررة و الحمد لله خلصت فيهم نسبة كبيرة
    • اخلص الشغل اللي ورايا في depiak !!
  • Java
    • اراجع كورس الجافا اللي اخدتة Done 100%
    • اخلص بروجكت بية في خلال شهر من انهردة 13-6-2009 بدائت فية متاخر و خلصت جزء منة في اسبوع و راضي عن اللي حصل فية
      
• Health
  • العب رياضة علي الاقل 3 مرات في الاسبوع كنت مواظب بنسبة 85% تقريبا
    
• اتعلم السواقة 0%

بصراحة عجبني جدا موضوع ان انا اكتب الحجات اللي ورايا و افضل اتابع اللي بعملة اونلاين بس هقف هنا و ان شاء الله هتتكرر

البداية التجريبية لـ Hunikal.com

بسم الله الرحمن الرحيم

قبل عدة ساعات قمت بـ شراء الدومين و اطلاق موقعي الشخصي في نسختة التجريبية Hunikal اليوم 7-7-2009 تاريخ ميلاد http://hunikal.com/

زاي ما هتشوفو هو لحد الان لا يوجد شيء في الموقع غير مجموعة من الروابط الشخصية علي مجموعة من الشبكات الاجتماعية , حتي الان الموقع علي سرفر مجاني و ان شاء الله ينتقل قريبا لسرفر خاص

لماذا hunikal.com ؟ لتكون لي مساحتي الشخصة لان مع مرونة الوردبرس لا يتيح كل الامكانيات اللي اتمناها

لم اقرر بعد هل سوف انقل المدونة من الوردبرس اللي hunikal.com و تكون نهاية hunikal.wordpress.com بعد فترة تقارب السنتين في نهاية هذا الشهر

ولو في اي حد عندة فكرة عن خدمة هوستنج كويسة ياريت يبعتلي ,لو في اي تعليقات شاركوني بيها اشفكم علي خير ان شاء الله علي Hunikal.com

كشف حساب 3

اية دة انهردة الثلاثاء انا اتاخرت علي البوست دي, مكنتش بهرب والله بس كنت تعبان كام يوم و نايم في السرير مش عارف اتحرك

زاي ما قلت ابل كدة استمرار للفضايح و التدبيس العلني دة كشف حساب رقم 3

• tech
  • PHP
    • ارفع اول بروجكت خلص فاضل نحجز الهوست و الدومين
    • اخلص بروجكت تاني في خلال شهر ابتداء من انهردة 13-6-2009 PAUSE
    • اخلص الشغل اللي ورايا في depiak انا موقف اي حاجة هناك لان انا مش فاهم حاجة هناك
  • Java
    • اراجع كورس الجافا اللي اخدتة انهردة ان شاء الله هخلصة
    • اخلص بروجكت بية في خلال شهر من انهردة 13-6-2009 واضح ان انا اتزنقت فية ان اخلصة في الاسبوع دة بس اهو بدائت وربنا يسهل
• Health
  • العب رياضة علي الاقل 3 مرات في الاسبوع محققتش التلات ايام لان في ايام ريحت فيها و الباقي كنت تعبان
• اتعلم السواقة – مفيش اي خطوة ايجابية حصلت في الموضوع دة