RSS - Posts
فكرين التوبك دة كتبتو يوم 6-يناير-2009
كتبت عن كتاب “البنات عيزة ايه” وكنت معجب جدا بفكرته
و انهردة الحمد لله 28-مايو-2009 جبت الكتاب هاااااااااااا
انا اول ما قريت عن الخبر بتاع ان الكتاب هينزل في مكتبة Books & Beans و هيكون في حفل توقع ان شاء الله يوم 5-يونيو-2009 فرحت جدا لان انا حاولت اجيب الكتاب حتي من القاهرة لما كان في المعرض ومعرفتش و دورت علية في اسكندرية و معرفتش اجيبة برضو : ( وعرفت انة لسة منزلش عندنا في الاسكندرية
وتشاء الظروف ان انا اعرف اجيبة من هنا من المنصورة 
رغم ان عندي امتحان يوم الحد اللي جاي و المفروض ان انا اعد ازاكر لكن كدة كدة بيكون في وقت ضايع و اخترت ان اروح اسئل علي الكتاب ولقيتة و جبت نسختي منة , لما نشوف هم عيزين ايه
بالمناسبة ان شاء الله هيكون حفل التوقيع الثاني في مكتبة Books & Beans
يوم الجمعة 5 يونيو من الساعة 6 الى 9 – فى المنصورة
7-ش جزيره الورد المشايه السفليه امام نادي الجزيره
التفاصيل هنا
http://www.facebook.com/event.php?eid=90412301575&ref=nf
مايو 29, 2009 في 12:13 ص
اخييرا لقيته!!
مبروك يا سيدي
بس لما تعرف هما عيزين ايه ابقى قولي
مايو 29, 2009 في 12:28 ص
مبرووووووووووووك يا باشا
انا كنت معاه على فكرة
كلنا هنقرا الكتاب علشان نعرف هما عايزين ايه ؟؟
كفاية كده احسن شكلي هنضرب
مايو 29, 2009 في 12:45 ص
أكيد احنا عايزين كل خير يعني
“وتشاء الظروف ان انا اعرف اجيبة من هنا من المنصورة”
اهااا فايدة المنصورة بتطلع ساعات أهي
وأغنية انا من البلد ادي تشتغل وكده
إن شاء الله هأجيبه انا بأحب المكتبة دي أصلا
وبأحب شكلها تحسها مريحة
شكرا على الخبر
سلااااام
مايو 29, 2009 في 2:50 ص
نبقى نشوفنا عايزين ايه !!
مايو 29, 2009 في 12:56 م
loooooooooooooooooool
ايه الاهتمام الفزيع ده
انا مقرأتوش ولا جبته بس خلى بالك انه مهما كان الى كاتبه فئه من البنات يعنى مش شرط الكلام يعمم فاهمنى
خصوصاً انهم مش خبراء فمتخدش الكلام مسلمات
مايو 30, 2009 في 7:50 م
اكيد فهمك و عمر ما في كلمة ممكن تتقال تمشي علي الناس كلها دة اكيد
بس انا مهتم بية لان فكرتو و الاسلوب عجبوني جدا
مايو 29, 2009 في 2:59 م
ابقى قووووولى عايزين ايه يا اسلام علشان خاطرى
ههههه لحسن الواحد تعب
مبروك عليك الكتاب سلااام
مايو 29, 2009 في 10:02 م
عايزين فلوس
بس
مايو 29, 2009 في 10:24 م
مبرووووك على الكتاب
اقلك انا بقى هما عايزين ايه ؟
عايزين الحب والاحترام والتفاهم
ومش كلهم بيفكروا فى الفلوس
اه الناحيه الماديه مهمه بس مش هيا كل حاجه
عايزين حد يحسسهم ان لهم كيان مش مجرد حاجه مكمله ديكور له
يعنى شكل جمالى المدام وخلاص
حد يكون بيفهم فى سيكولوجيه المرأه اللى عامله زى موج البحر
بس
سلام
مايو 30, 2009 في 11:02 ص
لكل قاعدة شواز …. لكن معظم البنات لو اتحطت ادام اختيارين فلوس وحب هاتختار الفلوس
اسالينى انا
يلا عشان البنات متقلبش عليا انا هاجرى بقا
مايو 30, 2009 في 2:23 م
وهنقلب ليه عليك ؟
اختلاف الرأى لا يفسد للود قضيه
موضوع الفلوس مهم جداا عند كل البنات فعلا
لكن على حسب البنت تيجى ال periority بتاع الفلوس
بس
لكن انا بتكلم عامه البنات كلها عايزه حب واحترام
وده اكيد بيكون رقم واحد
وبرده زى ما انت قلت لكل قاعده شواذ
سلام
مايو 30, 2009 في 2:32 م
معلش لان الرد بره الموضوع الاساسي .. بس
الحب >>> اساس
الفلوس >>> ضروره
بمعنى لازم يكون في حب … عشان يبقى في اسره
و لازم يكون في فلوس … عشان تعيش الاسره دي
فلوس بس >>> يبقى بيع و شرا
حب بس >>> حيشحتوا
” الاتنين لازم يكونوا مع بعض ”
و ده طبعا .. رأيي الشخصي
مايو 30, 2009 في 8:04 م
راي من وجهة نظري سليم 100%
هو اية اللي دخلنا في الموضوع دة !!
مايو 30, 2009 في 7:56 م
بترد و تهرب يا ….
مايو 30, 2009 في 9:40 م
لا انا جيت اهو مهربتش
كنت باخد دش بس
المهم
==============
فلوس بس >>> يبقى بيع و شرا
حب بس >>> حيشحتوا
==============
رائيك كويس وعلى راسى
بس ناو لو حطيتى بنت ادام حب وهايجى فلوس لكن هاتستناها شوية مش كتير تقولك لا
مع انها ممكن تستناهم لمليونيرقادم هايرجع من بولاق معاه فلوس
البنت الوقتى بقت عايزة فلوس والحب هايجى بعد شوية لكن العكس معدش بيحصل
يعنى اللى فى المقام الاول للبنت هى الفلوس الفلوس لا غير وبعدها الخير هايجى
زى كدا
الزواج الوقتى بقا صلونات وانا ده مش بقتنع بيه لانه بقا سوق معدش جواز
الام: يا بت ده معاه فلوس وعنده وعنده واهى فى فترة خطوبة واكيد مع النحنحة هاتحبو بعض
البنت: انتى شايفة كدا؟؟؟!!! .. طيب موافقة
هاتيلى عيلة فى البلد الحوار ده مبيدورش فيها
وتحت كدا نقول لكل قاعدة شواز
سلاام
مايو 30, 2009 في 8:08 م
اللى دخلنا فى الموضوع ده
اعتقاد من البعض ان كل البنات اهم شىء عندها الفلوس
فحبينا بس ندافع عن نفسنا
ونبين وجهه النظر الحقيقيه
من غير عنف
يلا سلام
وتمنياتى بالتوفيق للجميع غداا
يونيو 1, 2009 في 2:58 ص
معلش يعني على الخروج عن البوست بس
فيه مثل سورى يعني بيقولك ايه
“يا واخد القرد على ماله يروح المال ويفضل القرد على حاله” مثل معبر جدااا
أصل الفلوس بتروح وبتيجي لكن استحالة حب بجد يروح
هاخد حد مابحبوش عشان فلوس وبعدين!!!!
كده الواحد فقد إحترامه لنفسه قبل أى حاجة تانية
لأن ببساطة من غير حب مفيش حاجة هتمشى
وحتى فى القران أهم حاجة أنها تبقي سكن له ويبقي فيه مودة ورحمة
مفيش سيرة للفلوس فى الموضوع
بس عارف بقي حضرتك اللى ايه بيخلي الفلوس مهمة عند الاهل أنه يقولك ما هو أنا لو سهلت الامور قوي
هيقول عليا رامي بنتي وهيبهدلها!!!
مع أن يعني الإسلام ماقلش يخلوا الراجل يدفع دم قلبه عشان يعرف يجيب ويجيب ويجيب
هو الموضوع ده مشكلة فى المجتمع ككل قبل ما تبقي مجرد مشكلة فى البنات أنها عاوزة فلوس ومش عاوزة حب وأصلا ده عكس طبيعة البنت
سورى مرة كمان اني خرجت عن الموضوع -ايموشن مكسوف- بس ماقدرتش أسكت وما اعترضش
سلاااام
يونيو 1, 2009 في 11:17 ص
السلام عليكم
فى حديث بيقول
قال رسول الله صلى الله على وسلم
“تنكح المرأه لثلاث مالها وجمالها ونسبها واظفر بذات الدين”
صدق رسول الله صلى الله عليه وسلم
فى الحديث الشريف قال الاسباب اللى تنكح المرأه علشانها وفى موقف حصل قبل كده يوم امتحان شفوى الالكترونيات الترم اللى فات لما دكتور احمد شعبان قال الحديث وقال مفيش مانع يكون فيها كله خير وبكره
فمابلكم بقى بالرجل اللى ربنا معطيه شرط القوامه بما انفق
يعنى الفلوس والناحيه الماديه مهمه واتذكرت فى القران
ولكن برده مع الحب
وفى واقعه حصلت قبل كده ايام الرسول انا بالظبط مش فاكره تفاصيلها بتقول الراحه والناحيه الماديه مع بعض مهمين
وصدقونى لو كانت كل ام بتدور على عريس كويس لبنتها اكيد مش بتدور على الفلوس وبس
وبرده انا بتكلم عن تجربه
وسلامى للجميع