مبروووك

مبروك لكل الناس اللي عندها افراح و يارب كتر من الافراح

• طبعا مبروك خاصة لـ اخو فرحات كان فرحو يوم السبت و اتجمع شوية من اصحابنا  هناك و كان يوم جميل جدا
• و مبروك كبيرة خالص لـ اخو ميتو الف مبرووك و انا اسف معرفتش احضر
• و طبعا very special مبروك لبنت خالي اللي فرحها كان اجمل فرح

يارب الافراح تدوم و ابعد عننا الاحزان

20-7-2008 يوم جميل جدا

الحمد لله كان انهردة يوم جميل و مفيد جدا

رحنا انهردة انا و احمد مسعود لـ مكتبة الاسكندرية و كان يوم جميل جدا لفينا في المكتبة كلها و بجد المكتبة دي فخر لكل مصري و اسكندراني خصوصا

اليوم كلة تئريبا كنا بندور علي الكتب احني مرحناش من اول اليوم لاكن اعتقد ان دي مش هتكون اخر مرة لان بجد جو مفيد جدا و يساعد علي التركيز و الانجاز

انا مش عارف ازاي مكنتش بروح كتير بس ان شاء الله هيكون ليا زيارات تانية

جيمي ويلز يعلن عن إطلاق محرك بحث “ويكيا” من مكتبة الإسكندرية

الإسكندرية— ألقى جيمي ويلز، مؤسس مؤسسة ويكيميديا، محاضرة في مكتبة الإسكندرية يوم الأربعاء الموافق ١٦ يونيو ٢٠٠٨ بعنوان: “ويكيبيديا، ويكيا، ومستقبل الثقافة الحرة”. تحدث فيها عن دوره في تأسيس ويكيبيديا، وهي موسوعة مفتوحة المحتوى على شبكة الإنترنت، وتحدث أيضاً عن ظهور مؤسسة ويكيميديا، وهي منظمة غير ربحية تهدف لجمع وتطوير المحتوى التعليمي ونشره بشكل فعال على الصعيد العالمي.

سلط جيمي ويلز في محاضرته الضوء على ثلاثة محاور، هي: أين تقف وكيبيديا اليوم، فلسفة الويكيا، ويكيا ( مشروع محرك بحث جديد). وقال ويلز “علينا أن نتخيل عالم يمكن من خلاله الوصول إلى مجموع المعارف الإنسانية، كانت هذه الفكرة هي فكرة تأسيس موسوعة ويكيبديا، التي أصبحت من أكثر المواقع زيارة في العالم؛ ففي ألمانيا احتلت المرتبة السادسة بين أكثر المواقع زيارة، وفي أمريكا واليابان احتلت المرتبة الثامنة، وفي الهند احتلت المرتبة العاشرة، وفي مصر احتلت المرتبة رقم ٤٠”.

وفي بداية المحاضرة وصف الدكتور إسماعيل سراج الدين، مدير مكتبة الإسكندرية، جيمي ويلز بأنه أحد مخترعي القرن الجديد وبأنه عقل ذا رؤية، وأشار إلى أن مكتبة الإسكندرية تفخر بأن تحتفل بالندوة المائة في منتدى الحوار وهي بمثابة احتفال بمسيرة مائة ندوة هدفها حرية التعبير وإتاحة المعرفة. وقال أن وكيبيديا هي نموذج جديد للمعرفة ووجه جديد لها.

روابط ذات صلة

• الخبر الاصلي
• www.wikia.com
• http://re.search.wikia.com/index.html
  
• http://wikimania2008.wikimedia.org/wiki/Main_Page
  

النتيجة

الحمد لله عدت سنة كبيسة في الكلية

و الواحد جاب النتيجة و نجح نضيف

بما ان الناس كلها كتبت بوستات عن النتيجة

اهو انا بؤل انا نجحت مش عارف مكنش في دماغي لية

ممكن اكتب عن اليوم بتاع النتيجة بعد كدة لما افوق شوية

حد عايز اي حاجة ابل ما اخلص البوست…. ابقي سيب رد

شط اسكندرية

شط اسكندرية يا شط الهوى

طبعا الكل عارف الاغنية دي لفيروز بس انا مش ناوي اتكلم عن الغنية ولا عن جمال شاطئ الاسكندرية اللي لية سحر خاص

الموضوع عن الحاجة اللي هتزود جمال شواطئ الاسكندرية و هتكون اروع و اروع “حملة شواطئ الاسكندرية ضد التتدخين” هي حملة نظمتها جمعية “حياة بلاتدخين” و كان المؤتمر في مكتبة السكندرية في اليومين الي فاتو , هدف الحملة ان نخلي شواطء الاسكندرية تؤل لا للتدخين و تحافظ علي صحتها , الكلام مش علي ال 13 اللف اللي بيموتو كل يوم ولا الكلام علي الاموال الكتيـــــــر اللي بتروح علي الفاضي في التدخين .

المهم دالواتي ان نحاول نحافظ علي نفسنا و علي المجتمع  وننشر الفكرة دي ,لان بجد الواحد في الصيف بالتحديد بيشوف مناظر كتير مرفوضة.

عن الفريق

يهدف فريق حياه إلى تغيير نظرة المجتمع للتدخين وللشيشة والمخدرات من كونهم متعة وسعادة إلى كونهم مصدرا للأمراض ولخلق مجتمع جديد وشباب واعى بأضرار التدخين للوصول إلى حياه بلا تدخين

انا مش بؤل نؤل لا للتدخين بس في شواطء الاسكندرية , لازم نؤل لا للتدخين في كل مكان , و نحمي نفسنا و المجتمع من اخطار التدخين

حلمك الصغير و الكبير

حلمك الصغير اية , فكرة ؟ طب حلمك الكبير , عندك واحد ؟

انا اتكلمت في الاهداف قبل ذلك و اي هدف بدايتة حلم هل نستطيع ان نحلم ؟ هل يفقد الانسان حلمة مع الوقت

كان في برنامج في قناه “دريم” برنامج “العاشرة مساء” كان بيتلكم اليوم عن الاحلام وكانت الاتصالات تحكي احلام الاشخاص و هل تحققت ,

لفت نظري واحد اتصل بالبرنامج و قال انه كان في المانيا سنة 76 و كل حلمة انة يشوف مصر و المرور فيها مثل ما راى في المانيا سنة 76 ,انا مش هتكلم علي احوال البلد و كدة لا بس عجبني جدا ان الشخص دة حتي اليوم لدية نفس الحلم و مصر عليه

ياتري هل عندنا نفس الاصرار دة للوصول للاحلام

اتني ذلك ………

الطريق الصح

يظهر معز مسعود اسبوعيا على برنامج 90 دقيقة في فقرة الطريق الصح باستضافة معتز الدمرداش , الاثنين من كل اسبوع الساعة الحادية عشرة و النصف بتوقيت القاهرة على قناة المحور الفضائية ان شاء الله

لتحميل الحلقات

http://www.moezmasoud.com/multimedia.php?c=18

تحديث

سوف تتم ازاعة حلقات البرنامج بشكل يومي وليس اسبوعي علي قناة المحور في بث مباشر طوال شهر رمضان