To do list

To Do List

فعلا فعلا مفيدة

بجد ممكن الواحد ممكن يكون وراة 100 حاجة لاكن مش واخد باله D:

هات ورقة و قلم و اعد شوف انت وراك اية في

• – الدراسة
• – الشغل
• – الحياة
• – ….. كل حاجة

ممكن متكونش حاسس ان عندك حجات كتير المفروض تتعمل ( زي ما حصل معايا ) بس الواحد يرتب القيمة بتاعتة حسب اولوياتة و حسب الـ deadline

و ممكن تطلع فاضي ( و دي حاجة كويسة جدا بس صعبة جدا )

• - خدلك يومين اجازة
• - شوف حاجة جديدة اتعلمها
• - ارجع لمشروع اديم انت سيبتة
• - اعمل اي حاجة مفيدة من الاخر

College

1 – اية اخبارك يا مان

2 – تمام الحمد لله اية اخبارك

1 – اهو الحمد لله اية اخبارك في الكلية ؟

2 – ياريت بلاش السيرة دي

1 – لية يبني مالك

2 – انت متعرفش اصل احنا عملين ازاي في الكلية

1 – لا يبني اعرف انت نسيت ان انا معاكو في الكلية ولا اية !!

( اة صحيح انا نسيت ان انا بكلم نفسي )

2 – طب بدام انت عارف و شفت اللي حصل في السكشن بتسئل لية !

1 – D:

2 – بتدحك لية ؟!

1 – اة اصل شفت بس اقول اية … اهو مشمشكلة

2 – لا المشكلة ان انت لما تكون = واحد محضرش السكشن هنا المشكلة

1 – اة صح .

2 – بس تسدئ فعلا الواحد عرف ان الكلية دي ….. , بعد ما حضر الميتنج بتاع الـ depiak و الـ OS

1 – عندك حق والله , بس هنعمل اية في الكلية

2- سيبها على ربنا هنشوف هنعمل اية

1 – ان شاء الله خير

2 – ان شاء الله

I hate heat

بكل بساطة

انا بكرة الحر

انا بكرة الحر ايوة الحر اللي بيجي في الصيف دة

ليه الحر ليه ؟ انا بحب المطر و جو الشتا جدا جدا انا مش عدو للصيف لكن انا من اشد اعداء الحر , انا بحب الصيف في الحرية و الخروج و البحر ( اكيد مين مبيحبش البحر ) لكن الحر ( للاسف مش هعرف اقول اي حاجة تنية غير اني ( مبحبش الحر , مش بحب الحر , I hate heat )

Mothers Day 2008

كل سنة و ماما طيبة و بخير و في صحة

يارب ما يحرمنيش منك ابدا

كل سنة و كل الامهات بـ خير

can U find U ?

1- انت عارف هدفك ؟

2- اية يا عم الدخلة الجمدة دي

1- لا بجد والله انت عارف هدفك سؤال بسيط جدا صح ؟

2- اهو يعني شغال

1- شغال !! طب شغال في اية , مهو انت ممكن تكون شغال في حاجة انت مش عايزها

2- مش فاهم ؟

1- يعني انا اقصد انت عرفت هدفك اية في الحياة ناوي علي اية نفسك في اية ولا هتفضل مئضيها ,دخلت اي كلية و بتدرس اي حاجة و هتطلع تدور علي شغل و نفسك تتجوز و بعدين تخلف عيال و تعجز و تموت

2- يا عم اهو كلنا عيشين سبها علي الله

1- ونعم بالله , لكن انت كدة ماشي بـ مبدا “جئت لا اعلم من اين … ابصرت طريقا فـ مشيت” ولا اية يعني من الاخر مئضيها منغير لزوم و جيت الدنية و هتمشي منها ولا كئنك كنت هنا

2- طب والحل يا فالح ؟

1- دور بص حواليك شوف الدنيا مشيا ازاي شوف انت نفسك في اية ؟ افتكر ايام زمان كان اية طموحك ؟ دور و اتعلم حاجة جديدة ,حاجىة مفيدة حقق زاتك

2- اية ياعم الكلام الكبير دة

1- والله لا كلام كبير ولا حاجة . طب اسئلك سؤال تاني ابسط , هل انت وجت نفسك ولا لسة ضايع في وسط الحياة الكبيرة و وصت دوامة الدنيا يعني وجت نفسك من الاخر .

السؤال بـ اسلوب تاني ” هل انت تستطيع ان تجد نفسك ؟”

فكر و رد علي نفسك …..

Lets start

why ? where ? how ? what ? when ? yes or no ?…..etc

بتحب ؟ اية رايك ؟ انت فين ؟ طب لية ؟ ممكن ؟ لمين ؟ مين ؟ ممكن تعمل ؟ ماذا ؟ ما ؟ ….

اسئلة اسئلة اسئلة اسئلة اسئلة اسئلة اسئلة اسئلة اسئلة اسئلة

!!

منتدي مفتوح اكتر مواضيع فيها ردود بتعتمد علي الاحصائيات و الاسئلة

سبحان الله انسان كل وقتة الفاضي علي الانترنت انة يسئل الناس التنية و الناس التنية الي فضية برضو و مبتعملش حاجة كل الي بتعملة انها ترد علي الاسئلة ! طب لية اية الاستفادة

انا مع ان يكون في مناقشة جادة قائمة علي سؤال و كل واحد يدخل ليقول راية الشخصي و نتناقش للوصول الي هدف او الاستفادة العامة

لكن تحول الوضع الي ان في انسان قائم علي الاسئلة و الباقي فقط قائمين علي الردود لية

• - زيادة عدد الردود
• - بحاول اكون كوول
• - التعرف علي البنات
• - اي حاجة هيفة تنية

دة نمط الحياة داخل المنتدي في الحوار العام

و دة للاسف طبعا انما نلقي نظرة داخل منتديات البرمجة او اي حاجة تنية مهمة

تلاقي مواضيع و ناس عيزة تشتغل لكن ممكن يكونو 2 او 4 بالكتير و الردود صفر لاكن علي رئي واحد صحبي مواضيع الهيافة ماشاء الله منغير حسد الردود بالصفحات

من الاخر يا ريت نبدا نفوق و نشتغل و اعتقد ان احنا شفنا الناس الي شغالة ياريت نتعلم

و اخر جملة عمر ما الوقت هيكون متاخر علي البدا بس “ياريت نبدا”

HAKUNA MATATA !

هاكونا ماتاتا
يعني إشتري دماغك
هاكونا ماتاتا
حكمة نغمها لذيذ
هاكونا ماتاتا
إرمي الماضي الي يغيظ
إنساه و المستقبل
إديه كل التركيز
هذا هو البهريز
الفلسفي

هاكونا ماتاتا